Ebipapula by'engassi ku batagoberera mateeka biyimiriziddwa paka July
Winstone Katushabe kamiisona mu minisitule y’ebyenguudo n’entambula avunaanyizibwa ku mateeka g’ebidduka n’okulwanyisa obubenje ku nguudo yagambye amateeka gawa minisita obuyinza okyusa buli tteeka singa liba lizuuliddwaamu ebirumira.
Ebipapula by'engassi ku batagoberera mateeka biyimiriziddwa paka July
By Samuel Balagadde
Journalists @New Vision
ABAMU ku baddereeva abaali baweereddwa ebipapula by’engassi eyakagwirawo olw’obutagoberera sipiidi ya 30Km/hr mu bifo ebimu okuliraana amasomero, amalwaliro, obutale , amasinzizo n’ebirala nga beeyambisa kkamera z’oku nguudo baakizudde nga byasaziddwaamu oluvannyuma lw’okutunula mu sisitimu nga lisiiti ze baabaweereza teziriimu.
Winstone Katushabe kamiisona mu minisitule y’ebyenguudo n’entambula avunaanyizibwa ku mateeka g’ebidduka n’okulwanyisa obubenje ku nguudo yagambye amateeka gawa minisita obuyinza okyusa buli tteeka singa liba lizuuliddwaamu ebirumira.
Gen. Katumba Wamala minisita w’ebyenguudo n’entambula mu kiwandiiko ekyafulumizibwa nga 12 omwezi guno enteekateeka eno yayimirizibwaamu okumala omwezi gumu nga yaakuddamu nga 12 July.
Yasabye buli ddereeva ku kkubo okwongera okuvuga n’obwegendereza wadde ng’enkola eno yayimiriziddwaamu.