Dr. Prosperous Nankindu akwasizza Cotlida Nakate Kikomeko ofiisi e Mmengo

Bya Dickson Kulumba

ABADDE minisita w’ekikula ky’abantu e Mmengo, Dr. Prosper­ous Nankindu Kavuma awaddeyo ofiisi eri Cotlida Nakate Kikomeko amuddidde mu bigere.

Nga tannamukwasa ofiisi, baasoose kwevumba kafubo nga Dr. Nankindu amuyitiramu ebyo by’alese mu ofiisi. Omukolo gwabaddewo ku Mmande nga gwetabiddwaako abakulira ebiton­gole mu minisitule eno.

Dr. Nankindu yeebazizza Ka­baka olw’omukisa gwe yamuwa okuweereza n’agamba nti aweer­ezza n’essanyu. “Emirimu gibadde ginyuma era gibadde mirungi. Oweekitiibwa Nakate ono Mun­nabusujju munnange era Kasujju musanyufu nti tutambuza eby­enjigiriza nga Bannabusujju ate abakyala,” Dr. Nankindu bwe yategeezezza.

Dr. Nankindu musomesa w’abasomesa era omunoonyer­eza ku yunivasite e Kyambogo. Yasooka kuweereza nga Minisita omubeezi ow’ebyenjigiriza, olu­vannyuma n’afuulibwa minisita avunaanyizibwa ku nkulaakulana y’abantu ne ofiisi ya Nnaabager­eka.

Minisita Nakate yeebazizza Dr. Nankindu olw’okumusitula ng’amuwa obuvunaanyizibwa obw’enjawulo mu nkola y’emirimu nga yasooka kumulonda nga ssent­ebe w’olukiiko lw’ebyenjigiriza mu Buganda ate emabegako n’alondebwa okukuliramu akakiiko k’Obwakabaka akaakuhhaanyizza ebirowoozo ku ngeri ebyenjigiriza gye biyinza okukyusibwamu.