Bannannyini masomero ga bwannannyini batandise okutema empenda z'okweggya mu bunnya nga bafuunye obuzibu

Bya Procopios Lumu

Abatandisi b’amassomero ag’obwannanyini ab’egattira mu kibiina ki Proprietors of Private  Educational Institutions’ Association in Uganda  (PPEIAU)  batandise okutema empenda okulaba nga bassaawo ekitta vvu oba ensawo enzibizi gyebagamba nti eno egenda kubayambako okuva  mu bizibu naddala ebyo bye baafuna  oluvannyuma lw’omuggalo ogwa Covid 19.

 Mu nsisinkano eno bano basomeseddwa  ku butya bwe basobola okukuuma amasomero gaabwe ne gawangaala  emyaka mingi.

 Bino bibadde mu lukung'aana olubadde   ku Royal Suites  e Bugoloobi nga luno lwetabiddwamu bannanyini massomero naddala ag’amaanyi wano  mu ggwanga  n’ekigendererwa  ekyosala entotto ku butya bwe bayinza okusSaawo ekitta vvu   kyebayise  private education stabilization fund okusobola okwekulaakulanya  n’okwerinda ebirijja n’okutumbula eby’enjigiriza mu Uganda.

Bano nga bakulembeddwamu  direkita w’ekibiina kino Christopher Kiwanuka Kaweesa  atutegeezezza nti nga bayita mu kiwayi  ky’ekibiina kyabwe  ki Pop Investments  club batendekeddwa ku kungeri y’okutegekamu  abakozi mu massomero gaabwe   ng’akakodyo k’okukuuma amassomero  gano emyaka emingi.

 Ye Veronica  Joy  Maraka omutandisi w’amassomero ga Greenhill Academy atutegezezza nti emu ku nsonga emuleese kwekufuna okutendekebwa ku kungeri gy’asobola okubeezaawo amassomero ge nebwanaba avuddewo. Ono yatutegezezza nti yaze n’omwana  era nga ono yasiimye enteekateeka eno ng’ayagala egende mu maaso kisobole okukuuma obugagga obw’ensibo emyaka gyonna olwo obugagga buleke kusaanaawo mu kaseera mpaawo kaaga.

Ow’ekitiibwa Robert Waggwa Nsibirwa oluvannyuma lw’olusirika luno ayogeddeko naffe era natutegeeza nti okutendeka  aba’enganda  enteekateeka nungi nnyo nga ono yaagambye nti  mu butuufu kiswaaza naddala wano mu Buganda nti bannanyini bizinensi olufa nga nayo efa.

 Mike Kironde  nga  ono ssentebe w’ekibiina  ekitwala abatandisi b’amassomero mu ggwanga  ayogedde ku kawefube gwe baliko okulaba nga basaawo ensawo enzibizi nga ono agambye nti bagenda kuyita muno okulaba nga bakyusa eby’enjigiriza mu ggwanga lino.

 Kironde ayogedde ku mbeera ya covid 19 eyabaleka nga beeyaguza lujjo  nga ono agambye nti tebaagala kudda mu mbeera eyo saako empuliziganya enungi mu bannanyini massomero.

Abalina Amasomero g'obwannannyini nga nga beegeyaamu

 Dr Barbra Ofwono Buyondo  omutandisi w’amassomero ga Victorious  asiimye ensisinkano eno n’agamba nti okwegatta ge maanyi. Wabula ono asabye bannanyini masomero abatanegatta mu kibiina kino okwanguwa.

 Dr. Peter Kimbowa  omukugu mu bintu eby’enjawulo  era eyebuuzibwako ensnga e’enjawulo atubuulidde by’asomesezza abantu bano, omuli okukuuma bizinensi zaabwe saako okusomesa ab’engana zaabwe okumanya obukulu bwa bizinensi zino emyaka n’ebisiibo.

 Mu kino Kimbowa yatubuulidde nti ensonga enkulu mu musomo guno kwe kulaba nga bannanyini massomero bano  bayingiza ab’enganda  mu  mulimu guno  era babeere kitundu ku bizinensi eno.

 Executive director w’ekibiina kino  ki  Proprietors of Private  Educational Institutions’ Association in Uganda  (PPEIAU atubuulidde  olusirika luno lugenda kuyamba  okutenda n’okubangula abatandisi b’amassomero  mu nsonga nyingi omuli n’okukuuma obutonde bw’ensi yatu saako okuyamba bannanyini massomero bano okusobola okukendeeza ku nsimbi zebafulumya  olwo basobole okugaggawala.

Olusirika luno lwetabyemu abatandisi b’amassomero agasinga obunene mu ggwanga abasoba mu 15