Amawulire
Amasannyalaze gasse abantu babiri okubadde n'omukyala asulirira okuzaala
WABADDEWO ekikangabwa, amasannyalaze bwe gasse abantu babiri , okubadde n'omukyala osulirira okuzaala.
Amasannyalaze gasse abantu babiri okubadde n'omukyala asulirira okuzaala
By: Godfrey Kigobero, Journalists @New Vision
WABADDEWO ekikangabwa, amasannyalaze bwe gasse abantu babiri , okubadde n'omukyala osulirira okuzaala.
Bibadde ku kyalo Bulanga Estate zone mu Bulanga town Council mu disitulikiti y'e Luuka, amasannyalaze bwe gasse Nasaabu Namaganda 70 ne Zakiya Nabirye 26.
Nabirye, nga mukyala wa Zaake, kigambibwa nti wafiiridde , abadde lubuto lukulu ng'anatera okuzaala .
Omwogezi wa poliisi mu Busoga North, Samson Lubega, ategeezezza nti , bano bombi, amasannyalaze gabattidde mu nnyumba mwe basula era nga kirowoozebwa nga gabadde mabbirire.
Ayongeddeko nti webatuukidde mu kifo ekyo, ng'abooluganda lw'abagenzi , emirambo bagiggyewo era nga poliisi eginoonya ,gitwalibwe mu ddwaaliro , okwekebejjebwa.