Omukozi w'akakiiko k'ebyokulonda, afiiridde mu kabenje akagudde e Namayingo.

Akabenje kano, kagudde ku kyalo Walumbe cell, mu Nambugu ward, e Namayingo town Council ku luguudo oludda e Musita.

Afudde, ye Nicholas Ochieng, supervisor mu kakiiko k'ebyokulonda e Namayingo era ng'abadde mutuuze w'e Mpano B cell, Bulamba Ward e Namayingo.

Kigambibwa nti omugenzi, abadde atambulira ku pikipiki okuva e Namayingo okudda e Mayuge bw'etomereganye ne kamunye nnamba UBA 289H, n'afuna ebiwundu eby’amaanyi n'afiira mu ddwaaliro lya Shalom medical centre.

Omwogezi wa poliisi mu Busoga East, Micheal Kasadha, agambye nti Toyota Harrier nnamba UA 129 CE y'egambibwa okuvaako akabenje, owa bbooda bw'abadde agiwugula obutamutomera.

Ayongeddeko nti, baddereeva b'emmotoka zombi n'owa pikipiki, babuzeewo nga ne pikipiki terabikako, okubuuliriza kugenda mu maaso.