Amawulire
Ab'ekibiina ekigatta abavubi bayozaayozezza Pulezidenti Museveni okuwangula akalulu ne basaba abawanguddwa bakkirize eggwanga ligende mu maaso
OLUVANYUMA lwa President Yoweri Museveni okuwangula akalulu ka 2025-2031 aka President ku bitundu ebisoba mu 71 , abavubi abeegatira mu kibiina ekimanyiddwa nga ABAVUBI KU MUSEVENI nga bano bakoze omulimu gwo kunoonyeza president Museveni akalulu okwetooloola emyaalo gyona mu ggwanga nga babunyisa enjiri ye bintu ebirungi omukulembeze w'eggwanga byakoze emyaka 40 nga akulembera Uganda .
Omulangira Eli Wasajja omwogezi we kibiina Kya ABAVUBI KU MUSEVENI nga anyonyola , adiriddwa Col Mercy Tukahirwa akulira State House Fisheries unit
By: Godfrey Ssempijja, Journalists @New Vision
OLUVANYUMA lwa President Yoweri Museveni okuwangula akalulu ka 2025-2031 aka President ku bitundu ebisoba mu 71 , abavubi abeegatira mu kibiina ekimanyiddwa nga ABAVUBI KU MUSEVENI nga bano bakoze omulimu gwo kunoonyeza president Museveni akalulu okwetooloola emyaalo gyona mu ggwanga nga babunyisa enjiri ye bintu ebirungi omukulembeze w'eggwanga byakoze emyaka 40 nga akulembera Uganda .
Bano babadde Ntebe ku woofisi ze by'obuvubi mu ggwanga era nga bakulembedwamu Omulangira Eli Wasajja omwogezi we kibiina ABAVUBI KU MUSEVENI agambye nti basanyufu nnyo okuba nga basobodde okutambula n'omukulembeze w'eggwanga mu kitundu by'eggwange ebyenjawuulo nadala ku myalo nga babunyisa enjiri ye birungi president Museveni byakoze era n'asaba ababadde bavuganya ku ku kifo kyo bukulembeze bwe Gwanga okukiriza nti bawanguddwa n'olwekyo balina okukuuma emirembe sso ssi kulowooza kukyankalanya Gwanga .
Agenze mu maaso n'asaba abavubi okutambula n'omukulembeze we Gwanga kubanga abakoledde bingi okuli okugoba amagye ku nnyanja , okubatandikirawo ensawo mu Sacco yaabwe 'olwekyo basobola okwewola ensimbi ne bekulaakulanya buli sekinoomu , wano wasinzidde n'abasaba abantu mugwanga okusigala nga bawagira NRM ate bagende balonde abakulembeze ku bifo ebisigadeyo kubanga ddembe lyabwe .
Abavubi abeegatira mu kibiina Kya ABAVUBI KU MUSEVENI nga bakoze akabonero ko bweegasi
Masuya Abdul Kadir Sentebe wa Kyoga Boat owners asinzidde mu lukung'aana lwa bamawulire olubaddemu Col Mercy Tukahirwa nabavubi abeegatira mu kibiina Kya ABAVUBI KU MUSEVENI ababadde e Ntebe neyebaza Col Mercy Tukahirwa olwo kusomesa abavubi kungeri yokukuuma enyanja kwosa nokwagala egwanga lyabwe kyagambye nti kirungi era akikoze bulungi awatali kusosola mu kibiina kyona Kya byabufuzi
Ono abasabye abavubi okukola ennyo okwegya mubwavu ate nga beegattira mu kibiina kyabwe kubanga bafuna sente zokukulakulanya n'olwekyo basobola okutandikawo obulimu obulala sso ssi kwesiba ku nyanja kubanga mukiseera kino eliko abantu bangi nnyo abagikozesa .
Harriet Kibayiga okuva mu bizinga bye Kalangala agambye nti musanyufu nnyo okuba nga President Museveni asobodde okuwangula akalulu kano n'agamba nti abakyaala mubizinga balonze bulungi kubanga balina bye bafunye mumukulembeze we gwanga okuli okubatela ensimbi mu bibiina byabwe eby'obwegassi kwosa n'okubayamba abamu okufuna emirungi mugwanga ekiraga nti abakyaali bamugaso nnyo mugwanga .