Ow’emyaka 13 akwateirwe okutoroboza ow’emyaka 6- Bushenyi.
Omukozi ku ataahire omunju yasiga omwishiki aine nyakuteekateekwaho kandi ku agiire kushohora yashanga ababiri aba batariho. Ogu atandikire kubaronda kandi abakwatsire butunu bari omu kikorwa ky’omubonano omurutookye.
Omugambirizi wa Pooriisi ahabw’ekyanga ekya Bushenyi empango, Martial Tumusiime, naagira ngu omwojo owakwatwa naruga omu kyaro kya Nyamiko Cell, omuri Bushenyi.
N’ebya Bruno Mugizi.
BUSHENYI
Pooriisi omu disiturikiti eya Bushenyi ekwatsirwe omwojo w’emyaka 13 ahabw’okutoroboza omwana w’omwishiki w’emyaka 6.
Omugambirizi wa Pooriisi ahabw’ekyanga ekya Bushenyi empango, Martial Tumusiime, naagira ngu omwojo owakwatwa naruga omu kyaro kya Nyamiko Cell, omuri Nyakabirizi Divijoni omu disiturikiti eya Bushenyi ahabw’okugambwa kuba atoroboize omwana w’emyaka 6 kandi omwegi w’eishomero erya Faith Memorial School Nyakabirizi omuri Bushenyi.
Nikigambwa ngu ahabiro 24/09/2023 shaaha nka emwe y’akasheeshe omwana w’omwishiki abaire ari omu maka ga nyinento na nyakuteekateekwaho hamwe n’omukozi w’omuka.
Omukozi ku ataahire omunju yasiga omwishiki aine nyakuteekateekwaho kandi ku agiire kushohora yashanga ababiri aba batariho. Ogu atandikire kubaronda kandi abakwatsire butunu bari omu kikorwa ky’omubonano omurutookye.
Okurugiirira ahari Annah Tugineyo, 41, omutuura w’omu kyaro nikyo kimwe atwaire omushango aha Pooriisi kandi nyakuteekateekwaho ku areebire omukozi w’omuka yagyenda nikwo kwiruka akabura.
#WestUpdates