Abeebembezi b’amakanisa g’abajunwa nibashabwa kurwanisa obworo omumaka

N’ebya Abdulkarim Ssengendo

Abeebembezi b’amakanisa g’abarokore kuruga omu disiturikiti za bugw’eizooba batendekirwe obukugu bw’okukozesa kurwanisa obworo omubaikiriza abu barikwebembera.

Aba babangwirwe omu myoga etari emwe n’emwe erimu okukoresa amataka agu baine aha makanisa gaabo kukoreraho emirimo erikubataahiza n’okwegyesa abaikiriza

Paasita Mugisha arikwegyesa abeembezi b'amakanisa g'abajunwa. PHOTO: SSENGENDO ABDULKARIM

Omushomo gw’okubangura ba pasita aba gutebeekanisiibwe Pasita Ezra Mugisha omwebembezi wa Purification Family Altar Ministries International (BETHSAIDA) erikushangwa omuri Kabura-Lyantonde district

Pasita Mugisha hoona akoziise omugisha ogu kushaba bakuru b’amakanisa g’abarokore boona omu ihanga kuruga omu kurwanagana agumize ngu bakwatanise bahwere eihanga kukora omurimo gwa Ruhanga ogurimu n’okurwanisa obworo omu bantu abu barikwebembera

Ogu beitu hoona ayongyeire kutandika ehururu y’okukubuura amaka kugarukira Ruhanga

Bishop Martin Sendagi, omuhandiiki mukuru wa BETHSAIDA agizire ngu baine enteekateeka mpango y’okushomesa abaheereza ba mukama kwetunguura n’okutunguura abantu abu barikwebembera.

Abejumbire omu mushomo ogu barugire omuma disiturikiti ga Kisoro, Rubanda, Kabale, Isingiro, Rwampara, Bushenyi, Kitagwenda, Lwengo, Mbarara City, Ntungamo, Kyegegwa na Rubirizi.

Abandi barugire Kanungu, Ibanda, Kamwenge, Rukiga, Rukungiri, Kyankwanzi, Kyotera, Lyantonde, Mbarara district na Kiruhura.

Bishop Buwembo Stephen asiimire Pasita Mugisha ahabw’okutaho enteekateeka y’okushomesa abaheereza ba Mukama nikwo kushaba abatendekirwe kuta omu nkora ebi bashomire.

#WestUpdates