Abashaija 4 bakwateirwe okwita omushuubuzi Edson Betware omuri Sheema.
Edson Betware, owabaire ari kayungirizi wa Coca cola omu kyanga ekya Bushenyi empango akaitwa ebiro 28.07.2025.
Aba bakwatiirwe omu tauni ya Kabwohe ahagati y'ebiro 11.03.2026 hamwe n'ebiro 22.03.2026. PHOTO: Bruno Mugizi.
N’ebya Bruno Mugizi
SHEEMA
Pooriisi omu disiturikiti ya Sheema ekwasire abantu 4 abarikugambwa kuba baitsire omushuubuzi rurangaanwa omuri Sheema, Edson Betware.
Aba bakwatiirwe omu tauni ya Kabwohe ahagati y'ebiro 11.03.2026 hamwe n'ebiro 22.03.2026.
Edson Betware, owabaire ari kayungirizi wa Coca cola omu kyanga ekya Bushenyi empango akaitwa ebiro 28.07.2025.
Abakwatsirwe bamanyirwe nka; Nahamya Ovid orikumanywa nka Akram na Tayebwa Cosma abarikuruga Itegyero, Karera Division, Sheema hamwe na Nahamya Jordan orikumanywa nka Pizza kuruga Kyeibanga East omugomborora eya Kitagata na Amanya Naboth kuruga Nyamiyaga omuri Kabwohe.
Aba nibagambwa kuba baitsire Edson Betware barikwenda kumwibaho esente obu yabaire naaruga omu maka ge omu tauni ya Kabwohe arikuza ahanduuka ye shaaha nka 12 z’akasheeshe.
Pooriisi omuri Sheema neegira ngu okucondooza nikugumizamu.
#WestUpdates