Omwishiki aziikire omwana we w’ameezi 8 ahuriire- Pooriisi.
Beitu hoona, Pooriisi ku emubuurize akasyo n’akahindu, omwishiki ogu aikiriize kuba aziikire omwana ogu ahuriire omu musiri enyima y’amaka gaabo.
police
N’ebya Omushaki weitu
KWANIA
Omwishiki w’emyaka 17 owaazaire, obwa hati ari omu kihome kya Pooriisi ya Kwania ahabw’okuziika omwana we w’omwojo w’ameezi 8 ahuriire.
Omwana ogu amuziikire omu musiri enyima y’amaka gaabo.
Ekikorwa ky’obwinazi eki kibaire omu kyaro ekya Apwori omu gomborora eya Atongtidi omu disiturikiti eya Kwania.
Patrick Onyum Okwang, ceeyamaani w’egomborora eya Atongtidi akyorekire ngu omwishiki ogu akatwara enda ahamyaka 16 beitu akanga kugamba ishe w’omwana.
Abazaire b’omwishiki bakakwatwaho ahabwa muhara waabo kuhunamira enshonga egi erikugambwa kuba yabareeteire baamubinga omu maka gaabo.
Eki kikareetera omwishiki kutandiika kwerebeerera n’omwana we.
Omugambirizi wa Pooriisi ahabw’ekyanga ekya North Kyoga, Patrick Jimmy Okema naagira ngu abanyabuzaare b’omwishiki ku bamubuurize ahi omwana ari, yabagira ngu amuhaire ishe.
Beitu hoona, Pooriisi ku emubuurize akasyo n’akahindu, omwishiki ogu aikiriize kuba aziikire omwana ogu ahuriire omu musiri enyima y’amaka gaabo.
#WestUpdates