Omuhwezi wa RDC wa Kwania akwatsirwe ahabw’okuteera mutaahi we.

N’ebya Joseph Ekol 

GULU

Pooriisi omu kyanga ekya Aswa eine omu kihome kyayo omuhwezi wa RDC wa Kwania, Jacob Jonga ahabw’okugambwa kuba ateire Jilian Akullu, RDC wa Aleptong obu babaire bari omu mushomo omu rurembo orwa Gulu.

Eki nikigambwa kuba kibaireho shaaha nka 2:30 z’ekiro obu nyakuteeekateekwaho abaire ari omu mushomo ahari Gulu University omu Main Library omu rurembo orwa Gulu ahi aigwire orutaro ahari Akullu ahabw’enshonga ezitamanyirwe.

David Ongom Mudong, omugambirizi wa Pooriisi ahabw’ekyanga ekya Aswa naagira ngu Akullu abaire ari omurunyiriri kuza kutunga akasiimo k'amajuta gye g’omushomo ogubaire gutebeekanisiibwe abarikukwatwaho omu bya Operation Wealth Creation ahabw’ekyanga ekya Lango, West Nile na Acholi. 

Nakyoreka ngu Jonga akwatsirwe omu mwabazyo gwa Sande kandi akomeirwe aha Pooriisi ya Gulu.

Mudong nayongyeraho ngu faayiro y’omushango yaaherize kwigurwaho aha Pooriisi ya Gulu aha namba SD Ref. 53/25/06/2023 kandi RDC oteirwe hamwe n'ababaire bariho baaherize kukora "statement".

Okurugiirira ahari Mudong, nyakuteerwa ahairwe foomu za Pooriisi kuza kukyebeza obwo okucondooza kurikugyenda omu maisho.

#WestUpdates