Omushaija akwateirwe okufa kw’omukazi we w’enda.

N’ebya Simon Masaba

KWANIA

Pooriisi ekwatsire omushaija w’emyaka 23 ahabw’okugambwa kuba aitsire omukazi we, w’emyaka 30 obaire aine enda y’ameezi 5, omu kyaro ekya Amuda B omu gomborora eya Akali omu disiturikiti eya Kwania.

Solomon Otim naagambwa kuba aitsire Dorcus Auma bwanyima y’okugira obuteikirizana oburugiriiremu obwitane omu kiro ky’orwamukaaga ebiro 17/02/2024.

Nikigambwa ngu Otim ateire Auma omugyere gw’ahanda nikwo kumukora kubi. 

N’obu omukazi ogu ateire enduuru arikwenda ngu baariranwa baije bamuhwera, tikibasikire okurugiirira aha mugambirizi wa Pooriisi ahabw’ekyanga ekya North Kyoga, Patrick Okema.

Okema naagira ngu omu kasheeshe k’orwamukaaga, muriranwa ou amaziina ge gatagambwa ashangire Auma ari omu mbeera mbi munonga nikwo kumanyisaho abandi bantu. 

Aba baizire bamwirukangiza ah’eirwariro kubaasa kutunga okuragurirwa beitu afeeriire omu muhanda atakahikiibwe ah’eirwariro.

Naagira ngu Pooriisi ehikire aha mwanya nikwo kurundaana obujurizi kandi omutumbi gw’omugyenzi gutwirwe omu kabafu ah’eirwariro erihango erya Lira kukyeberwa.

Okurugiirira ahari Okema, Otim ari omu kadukuru ka Pooriisi obwo okucondooza kurikugyenda omu maisho.

#WestUpdates