Omushaija akwateirwe okwita ow’emyaka 13.
Okema naagira ngu okucondooza okwahikireho nikworeka ngu omwojo w’emyaka 13 nagambwa kuba aibire embuzi kuruga omu maka ga Mary Panama yagiguza Ogwal shiringi 60,000.
Omushaija akwateirwe okwita ow’emyaka 13.
N’ebya Omushaki weitu
KWANIA
Pooriisi omu disiturikiti eya Kwania ekwatsire omuntu orikugambwa kuba ari omwe aha kikunga musisa ky’abantu abaitsire omwojo w’emyaka 13 barikumutura okwiba embuzi.
Omugambirizi wa Pooriisi ahabw’ekyanga ekya North Kyoga, Patrick Jimmy Okema naagira ngu omwojo ogu aitiirwe omu kyaro kya Teilwe A omu gomborora eya Atongitidi, Kwania.
Pooriisi ekwatsire Jospeh Ogwal kandi eriyo neehiiga abandi bantu abarikuteekateekwaho.
Okema naagira ngu okucondooza okwahikireho nikworeka ngu omwojo w’emyaka 13 nagambwa kuba aibire embuzi kuruga omu maka ga Mary Panama yagiguza Ogwal shiringi 60,000.
Bwanyima y’okureeba ngu embuzi egi ebaasa kuba eyenshuma, Ogwal n’abandi abarimu Silvesto Opyene, Edule, Mary Panama na Ceasor Okello abakiburize amaisho, bakwateire omwojo ogu omu ka tauni ka Teilwa bamuteera.
Embeera eyizire kusisiskara obu abantu beerundaine bakatandika kuteera omwojo ogu bakamusiga niguhara eitaka, kandi aizire yafa ahabw’obuhuta obu yaatungire.
#WestUpdtes
#RadioWestAt25