Omukozi w'omuka ateirweho omushango gw'okutoroboza.

Omukozi w'omuka ateirweho omushango gw'okutoroboza.

N'ebya Barbra Kabahumuza

Kooti enkuru omuri Kampala eteire ahamukozi w'omuka omushango gw'okutoroboza bwanyima y'okugambwa kuba yaakwatsire ebiti akabishonshoreka omu bicweka by'ekihama by'omwana w'omwishiki ow'emyaka 4.

Aharwakana ebiro 31/05/2023, Alice Kiiza areebekireho omu maisho g'omuramuzi, Isaac Muwata kandi ayehakaine omushango ogu.

Nikigambwa ngu ahagati y'ebiro 01/08/2021 n'ebiro 12/08/2021 omu kyaro kya Nsasa omu disiturikiti eya Wakiso, Kiiza ow'emyaka 25 akakora ekikorwa ky'obushambani aha mwana w'emyaka 4.

Nikigambwa ngu nyina w'omwana akaronda abakozi babiri b'omuka, Alice Kizza na Doreen Khamuka kumureeberera abaana yaaba agiire kukora.

Obuhababi nibugira ngu bwanyima y'ebiro bikye, nyina w'omwana akeetegyereza ebishushani ebi kamera za CCTVs nikwo kureeba omuhara w'emyaka 4 arikuzaanira omu byondo kandi munyanya akaba ariyo nanywa ebyagaana by'amaizi reero abakozi b'omuka bo bakaba beehugiize aha masimu gaabo ag'enkora ya kanyabwengye.

Bwanyima y'akaire, aherize kutwara abaana aba owa munywani we, bakagaruka bagarukire omu mbeera. Beitu hoona, omwana omuto ou yaabaire asigiire ba abakozi akahinduka kandi akaba atarigye. Aha niho nyina yamanyiire ngu omuhara aine ekitari gye.

Nikigambwa ngu aha biro 12/08/2021, abakozi b'omuka 2  bakarugayo baagambira mukama waabo ngu tibakyenda kukora.

Ebihandiiko bya kooti nibyoreka ngu abakozi aba ku bamazire kugyenda, abaana bakagambira nyina bo ngu abakozi bakaba nibakira kubateera n’obumwe babashonshoreka ebintu omu bicweka byabo by’ekihama.

Nyina waabo akabirukangiza ah’irwariro kandi ku ebyarugire omu kukyebera nibyoreka ngu ebicweka byabo by’ekihama bikahutazibwa

Omushango ogu gukatabarizibwa aha Pooriisi ahi omukozi w’omuka Alice Kizza yakwatsirwe

Omuramuzi Muwata ateireho kuhuriraho omushango ogu ahabiro 22/06/2023.

#WestUpdates