Obushuma nibwo bwakirizeyo kuhandiikwa aha Pooriisi omu gwa 2025.
Emishango endaijo eyahandikirwe harimu ey’okuteera, ey’obufere, okuhenda amaju hamwe n’ey’obwisi.
Orikukurira ekitongore ekirikucondooza aha mishango, Tom Magambo. Courtesy Photo.
N’ebya Beth Akatukunda
KAMPALA
Emishango y’obushuma niyo yaakirizeyo kuhababwa omu Uganda omu mwaka gwa 2025, okurugirira ahari rupoota ya Pooriisi ey’emishango eya buri mwaka.
Orikukurira ekitongore ekirikucondooza aha mishango, Tom Magambo nagira ngu Pooriisi ekahandiika emishango erikurenga 56,000 ey'obushuma omwaka oguhwaire ogwa 2025.
Emishango endaijo eyahandikirwe harimu ey’okuteera, ey’obufere, okuhenda amaju hamwe n’ey’obwisi.
Emishango eine akakwate n’oburuuru eyeyongiire kuhika ahari 800 kuruga aha mishango erikurenga omuri 100 eyahandiikirwe omu mwaka gwa 2024.
Magambo nagira ngu emishango enyingi eine akakwate n’oburuuru ekarugirira aha bunkenke obwabaire omu kampeyini z’oburuuru bw’abany’eishengyero.
N’obweki kyabireho, Magambo nakyoreka ngu oburuuru bwa boona obuherize kuteerwa nibwo bukikirizeyo kuba obw’obusingye.
Nakyoreka ngu okukoresa emibazi y’ebitokoza bwongo nakyo kikiri ekizibu ky’amaani ahi emishango 1,569 yahandiikirwe.
Magambo nakyoreka ngu abantu baingi nibaza aha Pooriisi kuhababira abanyabuzaare abu emicwe yaabo ebaire nk’eyenyamaishwa ahabw’okukoresa emibazi y’ebitokoza bwongo.
#WestUpdates