Omushaija ashukire omukazi we acid ahabwa Sh190,000 omuri Rakai.
Okurugirira aha batuura, Musinguzi akashomesa Atungirwe ebya Saloon obwo aine amatsiko ngu naija kumushwera yaheza kumarira okushoma kwe.
Twaha Kasirye, Omugambirizi wa Pooriisi ahabw’ekyanga ekya Masaka empango.
N’ebya Omushaki weitu
RAKAI
Omukazi w’emyaka 20 omu disiturikiti eya Rakai ari omu mbeera mbi bwanyima y’omukundwa we kugambwa kuba amushukire Acid.
Olivia Atungirwe, omukomi w'amashokye ariyo naatunga okuragurirwa kw’omutaano ah’eirwariro erihango erya Masaka bwanyima y’okutunga obuhuta aha mutwe, omu kifuba, okushaasha omunda hamwe n’ebicweka ebindi eby’omubiri obumuhikibweho omukundwa we omushukire acid.
Pooriisi negira ngu nyakuteekateekwaho omanyirwe nka Rogers Musinguzi atorokire ahon’aho yaheza kushuka omukundwa we acid kandi na hati akibuze.
Okurugirira aha batuura, Musinguzi akashomesa Atungirwe ebya Saloon obwo aine amatsiko ngu naija kumushwera yaheza kumarira okushoma kwe.
Beitu hoona, bwanyima y’okumarira course egi, omukago gwa Atungirwe na Musinguzi gukahwaho, omukazi yaatandika kutuura amagara amasya n’obu Musinguzi yamuremireho arikuguma namweta ngu batuure hamwe, beitu omukazi akanga.
Twaha Kasirye, Omugambirizi wa Pooriisi ahabw’ekyanga ekya Masaka nagira ngu Musinguzi nayenda omukazi amushashure esente zoona eziyamusisireho arikumushomesa, esente ezi omukazi atabasize kushashura ahabw’okugira ngu takatandikire kukora.
#WestUpdates