Gavumenti tekatungire esente z’oburuuru bwaba ceeyamaani LCI & LCII- Kumumanya.v

N’ebya Omushaki weitu

KAMPALA

Gavumenti negira ngu ekiriyo neronda esente z’okutebeekanisa oburuuru bwa bakuru b’entebe z’okubanza hamwe n’eya kabiri.

Omuhandiiki w’entuura omu minisiture ya gavumenti, Ben Kumumanya agambiire akakiiko ka Paramenti ngu esente z’okuteeza oburuuru bwaba ceeyamaani LCI na LCII tizikabonekire.

Minisita wa gavumenti z’ebyanga, Rapheal Magyezi abaire yagizire ngu gavumenti z’ebyanga nizeija kutunga Shiringi obutabarwa 6 n’obuhumbi 100 omu mwaka gw’eby’esente ogurikwija ekigyemeseriize abanyabiragiro okushaba ngu minisita abashobororere obwire obu oburuuru obu burateerwe.

Minisita Magyezi agizire ngu kabineti eikiriize ngu oburuuru obu buteerwe ahagati y’okwezi kwa kashatu hamwe n’okwa kana, 2026. 

Nahabura abany’eishengyero okuronda ekiro kuruga omu minisiture y’eby’esente hamwe n’akakiiko k’ebyoburuuru aka electoral commission obu oburuuru obu burateerwe.

Omuhandiiki wentuura omu minisiture ya gavumenti zebyanga, Ben Kumumanya amanyiise abanyishengyero ngu agaaniireho na minisiture yebyesente omukasheeshe ka nyomwabazyo kandi agambiirwe ngu esente zokuteeza oburuuru bwabakuuru b’entebe zebyaro neza kabiri bakiriyo nibazironda.

#WestUpdates