Omubazi gw’engoha omusya gutongozibweho omu Uganda.
Purezidenti Museveni nagira ngu omubazi ogu nigwija kuhwera abariisa omu Uganda okuganyirwa omu buriisa bwabo.
Purezidenti Yoweri Museveni atongoizeho omubazi musya ogw’okurwanisa engoha omu matungo ogukoriirwe omu eihanga. PHOTO by Miriam Namutebi.
N’ebya Beth Akatukunda
WAKISO
Purezidenti Yoweri Museveni atongoizeho omubazi musya ogw’okurwanisa engoha omu matungo ogukoriirwe omu eihanga.
Purezidenti nabwo ayigwireho eikorero eriraabe nirikora omubazi ogu ogwa NAROVAC omu kyaro ekya Nakyesasa omuri Nansana Munisiparite omu disiturikiti eya Wakiso.
Museveni asiimire abahangu omubya sayansi ahabw’okujumbura ekintu kisya eky’omugasho munonga.
Purezidenti Museveni nagira ngu omubazi ogu nigwija kuhwera abariisa omu Uganda okuganyirwa omu buriisa bwabo.
Dr Yona Baguma, mukuru w’ekitongore ekya NARO ashoboriire Purezidenti ngu bakatandika ahari purogyekiti ey’okujumbura omubazi ogu omu mwaka gwa 2013 obwo barikukorera hamwe n’abahangu omu bya sayansi kureeba ngu omubazi ogubarakore tigwaba gwakabi aha magara g’abantu n’amatungo.
Dr Baguma nakyoreka ngu eikorero eri eryigwireho niryeija kuba nirishohoza omubazi gurikurenga miriyooni 3 buri mwaka.
#WestUpdates