Ow’emyaka 25 asindikirwe Luzira ahabw’okuteekateekwaho okwita omwegi wa UCU.
Mayanja najunaanwa omwita Bridget Arikiriza, 22.
John Bosco Mayanja, 25, arikuhika aha kooti ya Makindye. Asindikirwe omukihome kya Luzira ahabw'okugira akakwate n'okwita omukundwa we, Bridget Arikiriza. Photo by Eric Yiga.
N’ebya Omushaki weitu
MUKONO
Omushaija w’emyaka 25 asindikirwe aha rumanda omu kihome kya Luzira ahabw’okugira akakwate n’okwita omukundwa we, obaire ari omu mwaka gw’ahamuheru arikushoma ebiragiro ah’eitendekyero erya Uganda Christian University (UCU) Mukono.
John Bosco Mayanja, omutuura wa Kisoga omu tauni kanso ya Kisoga-Ntenjeru areebukireho omu maisho g’omuramuzi w’eidaara ry’okubanza, Joy Kebirungi owa kooti ya Makindye nyomwabazyo ebiro 04.05.2026.
Mayanja najunaanwa omwita Bridget Arikiriza, 22. Asindikirwe aha rumanda okuhisya ebiro 04.06.2026.
Abahababi nibagira ngu Mayanja hamwe n’abandi abu arikujunaanwa nabo abatakamanyirwe bakaita Arikiriza omu kiro ky’ebiro 08.04.2026 aha ruguuto orwa Mukono-Katosi omu gomborora eya Nakisunga omu disiturikiti eya Mukono bwanyima y’ababiri aba okugiraho obuteikirizana aha baara ya The Hive bar omu tauni ya Mukono.
Bridget Arikiriza, 22, omwegi obaire ari omumwaka gwe gw'ahamuheru arikushoma ebiragiro ahari Uganda Christian University orikugambwa kuba yayitsirwe omukundwa we, John Bosco Mayanja. (Courtesy photo).
Mayanja nagambwa kuba yahababire okufa kw’omukundwa we ou yagizire ngu akagwa omuri butandu beitu akaija yakwatwa ahabw’okuguma nagamba ebigambo by’embushukane.
#WestUpdates