Emizaano y’amashomero ga siniya omuri Mukono.
Emizaano egi eriyo nehindira aha mashomero agarimu erya Seroma Christian High School, Namilyango College n’ahari Uganda Christian University.
Omuzaani wa Boni Consili (Red) arikuritana n'owa Masaka SS (Blue). Photos by Aloysius Byamukama..
N’ebya Aloysius Byamukama
MUKONO
Emizaano y’amashomero ga siniya eya Ball Games erikutebeekanisibwa ekigombe ekya Uganda Secondary Schools Sports Association (USSSA) eriyo nehindira omuri Mukono.
Emizaano egi etandikire nyomwabazyo kandi neija kuhendera ebiro 08.05.2026.
Catherine Nuwahereza (16) ayebembiire bataahi be okujaguza obusinguzi bwanyima y'okusinga Masaka na gooro 3:0 omu mizaano y'amashomero ga siniya omuri Mukono Orwakana ebiro 30.04.2026.
Boni Consili Girls Vocational School etandikire gye bwanyima y’okusinga Masaka SS na gooro 3:0 omu muzaano gwabo ogwigwireho guruupu 1 nyomwabazyo.
Gooro za Boni Consili ziteebirwe Midfielder Loyce Komugisha otebire 2 hamwe na Catherine Natuhwera ekihweriire tiimu ya Boni Consili eya Isingiro okutandika gye.
Za tiimu ezindi eza Ankole ezitandikire gye harimu Kashenshero Girls esingire King of Kings eya Tooro na gooro 4:3 kandi yo Kibingo Girls eteire Bishop Comboni College Kambuga na gooro 1:0.
Omuzaano gwa Netball U17.
Beitu hoona, Kinoni High School etandikire kubi bwanyima y’okusingwa Amus College na gooro 5:0, Ijumo Progressive esingirwe St Noa na gooro 6:0 kandi St Andrews Rubindi bateirwe gooro Kawempe Moslem na gooro 3:1.
Amashomero agetabire omu mpaka ezi gariyo nigahayana omu mizaano nka; football, basketball, Hockey, table tennis, badminton, lawn tennis, rugby, netball na volleyball.
Omuzaani wa Ntare (Red) arikuritana n'owa Kyadondo omu muzaano gwa Hockey.
Emizaano egi eriyo nehindira aha mashomero agarimu erya Seroma Christian High School, Namilyango College n’ahari Uganda Christian University.
#WestUpdates