Museveni ateire omukono aha kihandiiko ekya Copyright amendment Act, 2026.

N’ebya Omushaki weitu

KAMPALA

Purezidenti Yoweri Museveni ateire omukono aha kihandiiko ky’eby’amagara ekya National Drug and Health Products Authority Bill, 2025 nikwo kuhinduka ekiragiro.

Purezidenti ateire omukono aha kihandiiko eki nyomwabazyo ebiro 29.04.2026.

Ekiragiro eki hati nikija kutaho ekitongore ekya National Drug and Health Products Authority ekirikwija kuba nikijunanizibwa aha mibazi yoona n’ebikwato by’eby’amagara omu eihanga kuza omu mwanya gw’ekiragiro ekyakozirwe omu mwaka gwa 1993.

Ekiragiro ekisya kirimu ekitongore ekirikwija kuba nikireebuuza emibazi, ebikwato by’eby’amagara, amajuta g’okwesiiga, n’ebindi bingi.

Abanyabiragiro nibagira ngu empinduka ezi zigyendereire okureeba ngu emibazi erinzirwegye hamwe n’okurwanisa emibazi y’ebicupuri, emiringo mibi ey’okubikamu emibazi n’ebindi bingi.

Ahansi y’ekiragiro ekisya, ekitongore ekya National drug and health products Authority nikija kuba nikijunanizibwa aha kureebuza amakorero g’emibazi n'okureeba ngu abantu bakoresa emibazi yoona eri aha mutindo omu Uganda.

Purezidenti Museveni nabwo ateire omukono aha bihandiiko ebirimu ekya Copyright and Neighboring Rights Amendment Act, 2026, energy efficiency and Conservation Act, 2026, Employment Amendment Act, 2025 hamwe n’ekya Magistrates Courts Amendment Act, 2026 kandi ebi byona bihindukire ebiragiro.

#WestUpdates