Boni Consilii na Ntare School zaarabaho kuza omuza East Africa

N’ebya Aloysius Byamukama

Tiimu ya Boni Consilii ey’omupiira gw’ebigyere hamwe n’eya Ntare School eya Hockey, erizooba zaarabaho okujwekyera Uganda omu za East Africa ezirikuza kuza kuba omuri Tanzania omu kwa munaana bwanyima y’okusinga emizaano yaazo ya ‘quarterfinals’ omu mpaka z’amizaano y’amashomero ga siniya eza Uganda yoona ezirikuhindira omuri Mukono.

Okurabaho, Boni Consilii yasinga eya Jinja Progressive Academy 5-4 omu kusimurana za penati bwanyima ya tiimu zombiri kugwa kikazi 1-1 omu dakiika zoona kandi ogu gwaba omurundi gwa 2 gukuratiine Boni Consilii okuhika omu semifinals hamwe n’okurabaho kujwekyera Uganda omu za East Africa yoona.

Boni Consilii neija kuriitana na St Noa kandi yo Rines eyasinga akawempe 4-2 omu kusimurana za penati neija kuriitana na Amus College kandi nazo ezi zombiri zaarabaho okujwekyera Uganda omu za East Africa ezirikwija kuba omuri Morogoro, Tanzania omu kwa munaana

Kwonka omu rugby, Mbarara High na Ntare School zaasiingirwa omu quarterfinals ahi Ntare yasingwa abatebeekanisa Namilyango 69-0 kandi Mbarara High ekasingwa St Mary’s College Kisubi 13-10, yo Kings College Buddo abaine ekikopo basinga Busoga College Mwiri 33-7 reeru Jinja SS yasinga Makerere College 12-6

Omu Hockey, Ntare School nayo yarabaho okuza omu ‘semi finals’ hamwe n’okujwekyera Uganda omu za East Africa, bwanyima y’okusinga Namilyango 3-0 kandi nyenkyakare neija kuriitana na Kings College Buddo eyasinga St Mary’s College Kisubi 4-2 omu kusimurana za penati

Emizaano egi neija Kuhendendera aharwakana
#WestSports