Museveni ahamiize abantu ba Otuke aha nshonga y’obusingye.

Museveni ahamiize abantu ba Otuke aha nshonga y’obusingye.

N’ebya Beth Akatukunda

OTUKE

Purezidenti Yoweri Museveni ahamiize abantu ba Otuke ngu nibaija kurwanisa abashuma b’amatungo omu kyanga eki.

Purezidenti agambire ebi obu abaire nabuganaho abantu b’omu disiturikiti eya Otuke, ah’eishomero erya Baralegi Purayimare omu gomborora eya Okwang.

Purezidenti omazire wiiki yoona ahari Baralegi State Lodge arikubuganaho abeebembezi kuruga omu kyanga ekya Lango, Acholi na Karamoja aharwakana, ayigwireho eishomero erya Baralegi Primary.

Omu bwire obu gavumenti yabaire nerwanisa abahekyera ba LRA, Museveni akaba ari ah’eishomero erya Baralegi Purayimare kandi bwanyima y’orutaro kuhwa, akacwamu yaahindura omwanya ogu amaka g’obwa Purezidenti.

Akaraganisa kwija kufurura eishomero n’amaramizo 2 kugatwara omu mwanya ogundi kandi eki kikahikirira bwanyima ya Purezidenti kugura eitaka, eri ekitongore ky’amahe ekya UPDF Engineering Brigade kyayombekireho eishomero, ekanisa n’ekereziya.

Agambiire abantu ba Otuke ngu akacwamu kuguma aha mwanya ogu kuhwera ekyanga eki kugaruzaho eby’entaasya n’okuhamya eby’okwerinda nk’oku omwanya gwabaire guri omu kyaro munonga.

Purezidenti naagira ngu abaire ari omu kyanga eki ahabw’obushuma bw’amatungo obugarukiremu beitu agizire ngu nibaija kuburwanisa.
 
Ashoboroire ngu ahagati y’omwaka gwa 2003 na 2007, Karamoja ekabaasa kwiha omu bantu embundu zirikurenga 41,000 kandi kuruga obwo hatwireho obusingye kuhisya omugwa 2017, obu obushuma bw’amatungo bugarukamu ahabw’enshobi ezakozirwe ab’amahe.

#WestUpdates