Abashweriine babiri omuri Mubende bashangirwe bafire, Pooriisi necondooza.
Elvis Ssenabulya, muriraanwa waabo nagira ngu ekiro eki abashweriine aba bafa, akahurira omwana waabo ow’emyaka 2 arikuririra omu kishengye.
Lameck Kigozi, Omugambirizi wa Pooriisi ahabw’ekyanga ekya Wamala arikugamba aha kufa kw'abashweriine babiri omuri Mubende.
N’ebya Omushaki weitu
MUBENDE
Abacondooza ba Pooriisi omu disiturikiti eya Mubende batandikire kucondooza ekirugiriireho okufa kw’abashwereine babiri okurikuteekateekwa kuba kwine akakwate n’emihondano y’omu maka.
Lameck Kigozi, Omugambirizi wa Pooriisi ahabw’ekyanga ekya Wamala nagamba abafiire nka; Ronald Tumusiime, 37, omushomesa hamwe n’omukazi we Justine Kamukama, 40, omushuubuzi-kazi.
Emitumbi yaabo eshangirwe omuka yaabo omu kyaro ekya Luwesama omu tauni kanso eya Nabingola omu disiturikiti eya Mubende.
Elvis Ssenabulya, muriraanwa waabo nagira ngu ekiro eki abashweriine aba bafa, akahurira omwana waabo ow’emyaka 2 arikuririra omu kishengye.
Ku agyerizeho kuringuririza omu dirisa, ahikiire aha mitumba y’ababiri aba ebaire eri omu kyagaana ky’eshagama.
Kigozi nagira ngu aba Pooriisi kubacwire orwigi bakataaha omunda y’enju, kikashangwa ngu habaireho okurwana ahagati y’ababiri aba kandi n’emitumbi yaabo eshangirwe eine ebironda bingi.
#WestUpdates