Omukazi agiire kureeba omukundwa we yahikayo yamwita omuri Gulu.

N’ebya Omushaki weitu

GULU

Omukazi kuruga aha Pooriisi ya Namukosi omu disiturikiti eya Mityana ofiire bwanyima y’omukundwa we okugambwa kuba amucumitsire ekisyo ahabw’okugiraho obuteikirizana omu tuani eya Gulu.

Harriet Akera afiire bwanyima y’okuhutaazibwa munonga kandi afeeriire ah’eirwariro erya St Mary’s Hospital Lacor.

Nikigambwa ngu Akera obaire agiire omu rurembo rwa Gulu omu kiro ky'orwakabiri, ahikireyo baagira obuteikirizana n’omukundwa we, Dennis Apire nikwo kuhaanisa ebigambo bakahendera barwanire ekirugiriiremu okufa kw’omukazi ogu.

Ekikorwa eki kibaire omu kyaro kya Laliya omuri Bardege Layibi Division. 

Abeereebiire n’agaabo nibagira ngu Apire akoriise omusyo ogu babaire nibakoresa omu kiyungu nikwo kucumita Akera omu maraka, omwibondo n’omu bibero.

Joseph Karugaba, Mukuru wa Pooriisi ahabw’orurembo orwa Gulu nagira ngu Apire akwatsirwe aba boda boda obu abaire nagyezaho okutoroka.

#WestUpdates