Omushaija acweriirwe kukomwa emyaka 40 ahabw’okwita omukaikuru omuri Kiruhura.
Eihano eri rikaba omu kyaro kya Rwabigyemano omu gomborora eya Kenshunga omu disiturikiti eya Kiruhura.
Omushaija acweriirwe kukomwa emyaka 40 ahabw’okwita omukaikuru omuri Kiruhura.
N’ebya Omushaki weitu
MBARARA
Kooti enkuru omuri Mbarara ecweriire Dickson Ampumuza ou baingi barikumanya nka Kakiga, okukomwa emyaka 40 omu kihome bwanyima y’okusingwa omushango gw’okwita Flora Kiiza Tumukunde ow’emyaka 65 y’obukuru.
Kooti ehuriire ngu Ampumuza, akwataniise n’abandi bakacuma enaama y'okwitwa Tumukunde kandi obujurizi oburesirwe omu kooti nibwomesereza Ampumuza okuba niwe yakozire ekikorwa eki akashara omumiro gwa Flora Tumukunde mpaka afiire.
Eihano eri rikaba omu kyaro kya Rwabigyemano omu gomborora eya Kenshunga omu disiturikiti eya Kiruhura.
Arikumuha ekifubiro, omuramuzi Allan Paul Nshimye agizire ngu nyamusheija ogu akakora ekikorwa ky’obwitsi ataine mbabazi zoona kandi ou yabaire nayita akaba ataine bwekoro bwona okwerwanaho.
#WestUpdates