NRM ekozire 87% y’ebiyaraganiise omu Manifesto yaayo eya 2021-2026- Rupoota.

N’ebya Beth Akatukunda

KAMPALA

Ekigombe ekiri omu bwebembezi ekya NRM kijagwize obusinguzi obu gavumenti ehikireho omu kuhikiiriza ebiyaraganiise omu manifesto y’ekigombe omu karuuru ka boona aka 2021.

Abakuru omu NRM nibagira ngu byona ebi gavumenti yaragaanisa bakozireho obucweka 87%.

Enganzi y’eihanga, Robbinah Nabbanja niwe amanyiise abanya-Uganda, obusinguzi bwa gavumenti nyomwabazyo ebiro 21.04.2026 aha mukoro gw’okuhayo rupoota y’ebi gavumenti ekozire ahabw’encuro ey’omwaka ogwa 2021-2026. 

Omukoro ogu gubaire aha ofiisi y’obwa Purezidenti omuri Kampala.

Nabbanja agizire ngu aha bintu 809 ebi NRM yaraganiise kukora, ekozireho 434 ebirikukora 54%, 264 (33%) biriyo nibikorwaho ebirikwingana kandi ebindi 110 ebirikukora 13% tibikakozirweho.

Nabbanja akwatsize omuhandiiki w’ekigombe kya NRM, Richard Todwong ebikozirwe gavumenti obyakiire omu eiziina rya NRM.

Todwong akyorekire ngu ogu nigwo murundi gw’okubanza, ekigombe kirikutunga rupoota aha ku gavumneti eteire omunkora manifesto yaakyo. 

Ayongiireho ngu ekigombe kya NRM kizire nikisinga akaruuru kumara emyaka mingi ahabw’okugira Manifesto nungi.

#WestUpdates