Akaruuru k’okugarukamu kutoorana Ceeyamaani wa Kikuube kuteerwa ebiro 10.06.2026.

N’ebya Omushaki weitu

KIKUUBE

Akakiiko k'eby'oburuuru aka electoral commission kateireho ekiro ky’ebiro 10.06.2026 nk’ekiro ky'okuteereraho akaruuru k’okutoorana mukuru w’entebe ya kataano ahabwa disiturikiti eya Kikuube.

Entebe egi ekasigaramu busha bwanyima y’owabaire agirimu Peter Banura okufeera omuri butandu.

Banura akafa ebiro 04.04.2026 bwanyima ya taaxi eyabaire neyiruka okumutomera omu kyaro ekya Butyamba, Kamusunsi omu tauni kanso eya Kiziranfumbi aharuguuto rwa Hoima okuza Fort-Portal.

Butandu egi ekabaho obu Peter Banura yabaire yayemerera aha mwanya ogu okwiha abakozi aha motoka ababaire nibaruga omu faamu.

Okurugirira aha kihandiiko ekiteirweho omukono mukuru w’akakiiko k'eby'oburuuru, Omuramuzi Simon Mugenyi Byabakama, okuhandiika abarikwenda kwesimba aha ntebe egi nikwija kubaho 25.05.2026 n’ebiro 26.05.2026 kandi okuronda akaruuru nikwija kutandika ebiro 27.05.2026 kuhendere ebiro 08.06.2026.

Orikukurira eby’okuteeza akaruuru omu disiturikiti eya Kikuube, Emmanuel Atwine nagira ngu betebeekaniise okugarukamu akaruuru aka.

#WestUpdates