Ebitengure omuri Bulambuli; Baingi nibateekateekwa kuba bafa
Abantu abatakamanyirwe mubaro nibateekateekwa kuba bafa kandi n’ebintu byacwekyerezibwa bwanyima y’ebitengure ebyateera omuruka ogwa Bulugunya, egomborora eya Bumasobo omu disiturikiti ya Bulambuli bwanyima y’enjura eyagwa eihangwe ry’eriizooba.Omugambirizi w’ekitongore empa buhwezi ekya Uganda Red Cross yaagira ngu tiimu yaabo yaaba eri omumwanya ogu kubaasa kuhwera amaka agateganisibwa.
Ebitengure omuri Bulambuli; Baingi nibateekateekwa kuba bafa
Ebitengure omuri Bulambuli; Baingi nibateekateekwa kuba bafa
N’ebya Charles Etukuri
Abantu abatakamanyirwe mubaro nibateekateekwa kuba bafa kandi n’ebintu byacwekyerezibwa bwanyima y’ebitengure ebyateera omuruka ogwa Bulugunya, egomborora eya Bumasobo omu disiturikiti ya Bulambuli bwanyima y’enjura eyagwa eihangwe ry’eriizooba.
Omugambirizi w’ekitongore empa buhwezi ekya Uganda Red Cross yaagira ngu tiimu yaabo yaaba eri omumwanya ogu kubaasa kuhwera amaka agateganisibwa.
Ogu ti murundi gw’okubanza omwanya ogu kuteganisibwa ebitengure. Omukwamwenda 2021, ebyaro bya Busiya, Bugatisa, Bunasufwa, Bumasamala na Bulago omuri Bulambuli bikaterwa ebitengure kandi omuntu omwe akafa, amaka 93 gafeerwa ebintu byabo.
Omukwakabiri omwaka ogu, amaka 150 agateirwe ebitengure omuri Bulambuli na Sironko bakesharinga bwanyima ya RDC wa Bulambuli, Stanley Bayole kubaraagira kuruga ah’eitaka rya gavumenti eri babaire bahungireho.
Bayole akagira ngu ofiisiy’enganzi y’eihanga ekagura hiika 1,800 z’eitaka n’ekigyendererwa ky’okufurura abantu abateganisibwe ebigwererezi omuri Bududa, Namisindwa, Sironko na Bulambuli, beitu abantu aba bakaza omu eitaka eri bataine bushoboorozi.
#WestUpdates