Ceeyamaani w’egomborora akwatsirwe ahabw’okufa kwa baine-nyina 2- Koboko.

Ceeyamaani w’egomborora akwatsirwe ahabw’okufa kwa baine-nyina 2- Koboko.

N’ebya Adam Gule.

Pooriisi omu disiturikiti eya Koboko ekwatsire ceeyamaani w’egomborora ya Lobule, Sulaiman Banga, 49, ahabw’okugambwa kuba aretsireho emihondano erugiriremu okufa kwa baine-nyina 2, boona abatuura b’omu kyaro kya Adugule omu disiturikiti eya Koboko.

Okurugiirira aha mugambirizi wa Pooriisi ahabw’ekyanga ekya West Nile, Josephine Angucia- okukwatwa kwa ceeyamaani okubaireho nyomwebazyo 28/05/2023, kwizireho bwanyima ya Pooriisi kucondooza omu kikorwa ky’emihondano ekibaireho aha rwakana ebiro 25/05/2023 omu tauni ya  Kulubunyaku omu muruka gwa Longira omuri Koboko ahi Sulaiman Data, 47, ateirwe akasharwa n’ebicweka bye ebimwe by’omubiri mpaka afiire n’abandi 2 batunga obuhuta bw’amaani.

Angucia naagira ngu murumuna w’omugyenzi omanyirwe nka; Siliman Awadi afeereire ah’irwariro erihango erya Arua ahi abaire atwirwe kutunga okuragurirwa.

Naagira ngu atakakwasirwe, arikukora nka mukuru wa Pooriisi ya Koboko, Magombe Reagan n’abandi ba Pooriisi ataayaayire abahutiire 2 ah’irwariro erya Koboko nikwo kushanga omwe omuri bo omanyirwe nka; Abibu Sulaiman, 40, atari kubi munonga kandi abaire yaatandikire kubagye. Ogu akozire na sitetimenti.

Angucia naagira ngu aha Sande, akakiiko ka disiturikiti ak’eby’okwerinda kagizireho orukiiko omu kasheeshe batakagyenzire n’ababaire nibatwara omutumbi gw’omuntu wa kabiri ofiire kuza kuziika.

Ekigyendererwa ky’orukiiko kubaire kuri okw’okutaho oburyo kutangira ebiniga omu banyabuzaare b’abagyenzi kwenda kugaruzaho obuteeka obwo okucondooza kurikugumizamu.

Pooriisi n’abandi ba memba b’okukiiko bw’eby’okwerinda batebeekanise kugiraho orukiiko n’embaju zombie eziine obuteikirizana kubaasa kutangira ebikorwa by’okuhoora enzigu ebyakubaasa kubaho.

#WestUpdates