Abakazi nibahaburwa obutazaara abaana abu batarikwenda nainga okubaasa kureebera.
Dr Kayondo Simon Peter, Omuhwezi w’ekigombe ekya Association of gyns and Obs nayoreka ngu eihanga nirikoresa esente nyingi kujanjaba abakazi abarikwihamu enda barikwejunisa emihanda etahikire.
Orukiiko oru orw’abanyamakuru rwaba ahari Cafe Javas Parliamentary Avenue omuri Kampala eriizooba ebiro 09.01.2026. Photo by Annita Matsika.
N’ebya Annita Matsika
KAMPALA
Abanyamakuru babangurwa oku bakubaasa kuhwera abakazi obutazaara abaana abu batarikwenda ningashi kubaasa obwo barikwejumbira omu buheereza obwa Safe abortion na post abortion care omu marwariro gatari gamwe.
Dr Kayondo Simon Peter, Omuhwezi w’ekigombe ekya Association of gyns and Obs arikugambaho n’abanyamakuru yakyoreka ngu eihanga nirikoresa esente nyingi kujanjaba abakazi abarikwihamu enda barikwejunisa emihanda etahikire.
Nagira ngu esente ezi zikabaire nizikoresibwa kwombeka eirwariro erihango buri mwaka.
Orukiiko oru orw’abanyamakuru rwaba ahari Cafe Javas Parliamentary Avenue omuri Kampala eriizooba ebiro 09.01.2026.
Dr Kayongo nakyoreka ngu n’obu enamba y’abakazi abarikufa nibazaara eshumire kuruga aha bakazi 336 ekaza ahari 189 ahari buri bakazi 100,000 abarikuzaara buri mwaka, hakiriho obuzibu bw’abakazi abarikwingana pacenti ya 62 ahari 100 abatarikuhikwa emiringo ey’okubariirira oruzaaro.
#WestUpdates