Mutateerera akaruuru aba ‘Opposition’ tibarabakorere- Purezidenti Museveni.
Beitu hoona, Museveni agizire ngu ekirikureetera purogyekiti ezimwe zaakyererwa kukorwaho nahabw’abeebembezi abarikuremesa puroguraamu za gavumenti ez’entunguuka.
Museveni ahamisiririize omugasho gw’okuhangaho obutungi nka rimwe ahamtafaari 7 agu NRM eyemeriireho kutunguura eihanga. Photo: PPU.
N’ebya Omushaki weitu
KASSANDA
Okwatiire ekigombe kya NRM ebendera ahantebe y’obwa Purezidenti, Yoweri Kaguta Museveni nyomwabazyo ebiro 17.12.2025 agizireho ‘rally’ y'okusherura akaruuru aha kishaayi kya tauni kanso ya Bukuya omu disiturikiti eya Kassanda.
Purezidenti ashabire abatuura okwerinda okuteerera akaruuuru abetsimbireho abarikuhabura gavumenti (opposition) agumize ngu tibarikubaasa kuhisya obuheereza abantu abu barikwebembera.
Nakyoreka ngu n’obu amahanga maingi ga Africa garimu entaro, Uganda emazire emyaka 40 erimu obusingye n’obuteebekana ahabwa gavumenti ya NRM kwanga eby’obutegyeki ebirikubaganisamu abantu ebirikwema ahadiini, enganda, emyaka, ekikura ky’omuntu n’ebindi.
Beitu hoona, Museveni agizire ngu ekirikureetera purogyekiti ezimwe zaakyererwa kukorwaho nahabw’abeebembezi abarikuremesa puroguraamu za gavumenti ez’entunguuka.
Ahamisiririize omugasho gw’okuhangaho obutungi nka rimwe ahamtafaari 7 agu NRM eyemeriireho kutunguura eihanga.
Purezidenti Museveni nahiga abanya-Uganda abaine amataka makye okwejumbira omu nkora eya Four Acre model plan.
#WestUpdates