UNEB ehendiire okukyebera ebibuuzo bya P.7.
Abeegi 817,885 nibo bayehandikiise okushutamira ebibuuzo bya P.7 eby'omwaka 2025 omu myanya 16,140.
Jenifer Kalule Musamba, Omugambiirizi w’ekitongore ekya UNEB nagira ngu ebirugire omu kubuuzibwa kwa P.7 nibyija kushohora bwanyima y’okuteera akaruuru ka Mukuru w’eihanga n’abany’eihengyero.
N’ebya Omushaki weitu
KAMPALA
Ekitongore ekirikujunaanizibwa aha bigyezo omu eihanga ekya Uganda National Examinations Board (UNEB) nikigira ngu kimazire okukyebera ebibuuzo bya P.7 ahabw’omwaka 2025, okurugiirira aha bakuru omu kitongore.
Obwa hati, aba bariyo nibataasya oku abaana bakozire omuri za kompyuta n’okwetegyereza oku abeegi bakoziremu kandi omurimo ogu niguza kumara esabiiti ibiri.
Jenifer Kalule Musamba, Omugambiirizi w’ekitongore ekya UNEB nagira ngu ebirugire omu kubuuzibwa kwa P.7 nibyija kushohora bwanyima y’okuteera akaruuru ka Mukuru w’eihanga n’abany’eihengyero.
Abeegi 817,885 nibo bayehandikiise okushutamira ebibuuzo ebi omu myanya 16,140.
Ahari aba, abeegi 389,529 n’aboojo kandi 428,356 n’abeishiki.
Abeegi ba S.1 nibeija kuhuumuruka ebiro 16.02.2026 kandi aba S.5 bahuumurukye ebiro 23.02.2026.
#WestUpdates