Bataano bateirwe enkuba bafeeraho omuri Ntungamo.

Enjura ku egwire, abantu aba bagiire kwegama omu rubaraaza rw’eka ebaire eri haihi nk’oku enyigi zibaire zikingire, enkuba eteire omurundi gumwe nikwo abantu 5 kufeeraho.

Bataano bateirwe enkuba bafeeraho omuri Ntungamo.
By NewVision Reporter
Journalists @NewVision

N’ebya Omushaki weitu

NTUNGAMO

Abantu 5 bateirwe enkuba bafeeraho omu njura nyingi egwire omu kyaro ekya Rwakashanga omu tauni kanso ya Rwahi omu disiturikiti ya Ntungamo  nyomwabazyo ebiro 19.08.2025.

Samson Kasasira, Omugambirizi wa Pooriisi ahabw’ekyanga ekya Rwizi nagamba abagyenzi nka; Taremwa Edgar, 38, Nduhukire Jackline, 44, Mwaka Alexander, 25 hamwe n’abandi bashaija babiri abari ahagati y’emyaka 30 na 50 abatakamanyirwe abarikugambwa kuba nibaruga omuri Ruhaama, Ntungamo.

Nikigambwa ngu ahabiro 19.08.2025 omu kasheeshe, abantu 8 bagiire omu musiri gwa Ruhwabwoba n’ogwa Kidede bombi ab’omuri Rwakashanga kuhinga nikwo enjura kutandika kugwa.

Enjura ku egwire, abantu aba bagiire kwegama omu rubaraaza rw’eka ebaire eri haihi nk’oku enyigi zibaire zikingire, enkuba eteire omurundi gumwe nikwo abantu 5 kufeeraho.

Emitumbi y’abantu 4 ehairwe aba famire zaabo kuziika kandi ondaijo muntu otakamanyirwe atwirwe omu kabafu ah’eirwariro erya Itojo.

#WestUpdates