Purezidenti Trump ateire omushoro gwa 25% ahabintu by’amahanga agarikukoragana na Iran.
China niyo erikukirayo kukwatanisa na Iran omu kushuburirana hakurataho Iraq, United Arab Emirates, Turkey hamwe na India.
Purezidenti wa America, Donald Trump nyomwabazyo orw’okubanza agizire ngu ateire omushoro gwa 25% aha bintu ebirikuruga omu mahanga goona againe enkwatanisa n’eihanga erya Iran. Courtesy Photo.
N’ebya Omushaki weitu
AMERICA
Purezidenti wa America, Donald Trump nyomwabazyo orw’okubanza agizire ngu ateire omushoro gwa 25% aha bintu ebirikuruga omu mahanga goona againe enkwatanisa n’eihanga erya Iran, encwamu erikubaasa kuta Pressure ahari Tehran obwo obwesharingo obw’okuhakanisa gavumenti burikutaaha omu wiiki ya kashatu.
Kurabira aha mikutu ya kanyabwengye, Trump agizire ngu omushoro oguteirwe aha bintu ebirikuruga omu mahanga ago nigutandikiraho beitu tihaine kihango eki ashoboriire aha nshonga egi.
China niyo erikukirayo kukwatanisa na Iran omu kushuburirana hakurataho Iraq, United Arab Emirates, Turkey hamwe na India.
Okutaho omushoro musya ogu nikwijaho bwanyima ya Trump kutinisiriza kwija kujwazyamu amahe, Tehran yaaba eitsire abesharingi.
Omugambirizi wa White House, Karoline Levitt nyomwabazyo agizire ngu enshonga y’okukoresa amahe erimu okukoresa enyonyi endwani ekiriyo neganirwaho.
#WestUpdates