Minisiture n’ey’okugarura eby’enyanja omunyanja ya Chalafi - Kisoro

N’ebya Nelson Ahimbisibwe
Minisiture y'ebyobuhingi, eby'amatungo hamwe n'obushohi yatandikaho  enteebeekanisa y'okugaruka kutamu ebyenyanja omu nyanja ya Chahafi omu disiturikiti ya Kisoro, nk'emwe ahanteekateeka za Uganda ez'eby’obuhingi ez'okuhindura embeera y'obwire ez'omutaano barikugyenderera okwongyera aha byenyanja n'okutunguura eby'obuhangwa.

Purogyekiti egi eriyo neeteebwa omu nkora omu disiturikiti 69 omu ihanga ryona, erikugyezaho kwongyera aha by'enyanja, okutunguura akatare, n'okwongyera amaani omu by'obushohi.

Geoffrey Dheyongera, omwe ahabakuru kuruga omukitongore ky'eby'obujubi. PHOTO: Nelson AhimbisibweMAAIF

Aha nteekateeka egyo, obwenyanja burikuhika 3,200,000 bukagarurwa omu nyanja ya Murehe, kandi obindi oburikuhika 1,030,000 bwa Nile tilapia buriyo nibigarurwa omu nyanja ya Chahafi, zoona ezirikushangwa omu Disiturikiti ya Kisoro.

Minisiture, eteireho n'omwaka gumwe gw'okuzibira okushoha aha nyanja ezigarukiremu ebyenyanja, kugira ngu ebyenyanja bikure kandi bizaare.

Abantu abarikugasirwa omu nteekateeka egi, baine kukuratira ebiragiro bya purogyekiti, kugira ngu habeho okukora ebyenyanja ebirikurenga taani 900,000, ebirikwingana shiringi 2,700,000,000, kandi bitandikireho emirimo erikurenga 1,000 omu by'enyanja.

#WestUpdates
#Fisheries