Vivian, muka SK Mbuga atadde obujogoli mu ppate y'amazaalibwa ge n'alumya abayaaye
Vivian, muka SK Mbuga atadde obujogoli mu ppate y'amazaalibwa ge n'alumya abayaaye
By Ignatius Kamya
Journalists @New Vision
VIVIAN Chebet mukyala w'omugagga Sulaiman Kabangala Mbuga yeekoledde ebintu ku kabaga k’amazalibwa ge.
Ono mu kiro ekyakeesezza Mmande yabadde mu kifo ekimu ekisanyukirwamu mu Kampala gye yategekedde akabaga k’amazaalibwa ge geyataddemu obubadi.
Vivian yayingidewo n’abakuumi babiri abaabadde tebambadde ssaati olwo nno n'atandiika okubuuza ku mikwano gye obwedda egimulindiridde ku kabaga kano.
Asooka Ku Kkono Ye Muyimbi Omunigeria Goya Menor Eyayimba Ameno Addako Mu Kiteeteyi Kya Blue Ye Vivian Mukka Mbuga Ng'ali Ne Mikwano Gye
Mikwano gye baddugaza emmeeza n’ebyokunywa eby’ebbeeyi olwo ne badigida ng'eno omuyimbi Omunigeria Goya Menor eyayimba oluyimba lw’amapiano olwa Ameno bw'abasanyusa.
Yalumiza abayaaye bwe yategezeza bannamawulire nga ye n’omwami we Mbuga bali mu mukwano ogw'ekimmemmette era yamuwadde n'ettaka e Buziga ng’ekirabo ky’amazaalibwa ge.
Mbuga teyabaddewo ku mukolo guno.