Ttiimu za Rwanda zeetisse eza Volley ball

TTIIMU z’e Rwanda zizzeemu okwetikka empaka za Volleyball eza NSSF KAVC International Volleyball Tournament ezaayindidde mu Lugogo Arena ku wiikendi.

Rwanda Revenue Authority (RRA) ye yatutte ekikopo ky’abakazi ate Rwanda Energy Group (REG) n’etwala eky’abasajja.

Akulira Eby'obwakitunzi Mu Nssf, Barbra Teddy Arimi Ne Pulezidenti Wa Kavc Irene Kiconco Nga Basiima Abamu Ku Bazannyi Abaasinze Bannaabwe.

Ku fayinolo, abakyala ba RRA bannaabwe aba Rwanda Poliisi ku bugoba 3-2 ate aba REG ne batimpula bannaabwe aba APR ku bugoba 3-0 mu maaso g’omumyuka w’akulira poliisi ya Uganda, James Ochaya eyabaddewo ng’omugenyi omukulu.

APR ye yakutte ekyokusatu mu z’abakazi ate Equity Bank ey’e Kenya n’ekwata ekyokusatu mu z’abasajja ng’eyasinze okukola obulungi mu za Uganda ye KAVC-B eyakutte ekyokuna ku njuyi zombi, mu mpaka zino NSSF mwe yatadde ssente obukadde 45.

Abawagizi Nga Bawaga.

Omumyuka w’akulira NSSF, Gerald Kasaato yagambye nti bawezezza emyaka 15 nga bawagira Empaka zino kubanga zireeta obumu mu bantu ba Uganda n’okwetooloola East Africa yonna era n’awa obweyamo nti ba kusigala nga bazissaamu ssente n’omwaka ogujja.

Empaka zino ezaatandise ku Lwokutaano ne ziggwa ku Ssande zeetaboddwaamu ttiimu z’abakazi 18 n’ez’abasajja 12 okuva wano mu Uganda, Kenya, Rwanda, Burundi ne South Sudan.