Ayagala okutangaaza emikisa kozesa olumnanyo

TUYINGIDDE omwaka omupya era bangi kye batandikiddeko kwe kuzuula ebyabalemesa okutuukiriza bye baali basuubira okukolera mu mwaka omukadde. Embeera y’ebyenfuna ekyali nzibu era abakugu bagamba nti na guno omwaka gwandiba omuzibu nga kyetaaga okulowooza mu ngeri ey’enjawulo okubbula ebyenfuna Rehema Namubiru, ajjanjabisa eddagala ly’ekinnansi agamba nti, olumanyo n’akasaana byakuyamba abo abaagala okwogiya ebirowoozo byabwe.
Noga ebikoola by’olumanyo obikaze okolemu ensaano oginywere ku caayi, kijja kuyamba okuwagala obwongo bwo obuteerabira
by’olina kukola.
Osobola okuyenga ebikoola n’onaaba nakyo kijja kukuyamba okuwummuza obwongo busobole okulowooza obulungi. Osobola n’okufuna akasaana n’okafumbisa okusobola okusaanuula obwongo bwo.
Era osobola n’okukaza ebikoola n’okolamu ensaano n’ogatta mu bizigo ne weesiiga okwongera okusaasaanya emikisa gyo mu buli ky’okola.
Nnakawere mu kyogero osobola okussaamu olumanyo ekiyamba omwana okukula n’obwongo obwogi.