Museveni atungire obutumwa bw’omutaano kuruga Al-Burhan
Purezidenti wa Uganda atungire obutumwa obu obumuhairwe omuhwezi wa ceeyamaani w’akakiiko ako omuri Sudan, Malik Agar.
Purezidenti wa Uganda atungire obutumwa obu obumuhairwe omuhwezi wa ceeyamaani w’akakiiko ako omuri Sudan, Malik Agar. PPU Photos.
N’ebya Beth Akatukunda
Purezidenti Yoweri Museveni atungire obutumwa bw’omutaano kuruga owa ceeyamaani w’akakiiko aka Sudan of the Transitional Sovereignty Council, Abdel Fattah al-Burhan.
Purezidenti wa Uganda atungire obutumwa obu obumuhairwe omuhwezi wa ceeyamaani w’akakiiko ako omuri Sudan, Malik Agar.
Malik ahaireyo obutumwa bwanyima y’okwebembera guruupu y’abajwekyererwa omu kakiiko aka kubugano Purezidenti Yoweri Museveni aha maka g’obwa Purezidenti, Entebbe.
Purezidenti Museveni ahaireyo obutumwa bwe obw’okurwanisa obwimukyero eri omu eihanga erya Sudan nikwo kubashaba kwemereza okurwana oku, bateho akaruuru k’obusingye kandi baikirize abantu ba Sudan kutoorana abeebembezi abu barikwenda.
Purezidenti Museveni ahaireyo obutumwa bwe obw’okurwanisa obwimukyero eri omu eihanga erya Sudan.
Nabwo ahamisirize ekyetengo ky’abarikukwatwaho boona omu rutaro oru okukwatanisa hamwe bakataho ebiganiiro baganiire aha ku bakubaasa kumaraho okurwana oku.
Abeebembezi aba baikiriziine kutaho oburyo kumaraho okurwana okuri omuri Sudan.
Abeebembezi aba baikiriziine kutaho oburyo kumaraho okurwana okuri omuri Sudan.
Malik amanyiise Purezidenti Museveni ngu al-Burhan eyehiireyo kwetaba omu ntebeekanisa zoona ez’okureetaho obusingye omuri Sudan, haheza kuteebwaho obushonshoreki burungi ahabw’abantu ba Sudan.
#WestUpdates