Enkumi n’enkumi z’abantu bahunga omuri Darfur, Sudan

Enkumi n’enkumi z’abantu bahunga omuri Darfur, Sudan

N’ebya Omushaki Waitu

Okurwana kw’abanyambundu n’amahe omuri Sudan kwareetera enkumi n’enkumi z’abantu bahunga omu rurembo orwa Darfur eriizooba.

Hatweireho okurwana omuri Darfur n’orurembo orukuru orwa Sudan, Khartoum kumara ameezi 4 ahagati y’amahe g’eihanga n’ekigombe eky’abanyambundu ekya Rapid Support Forces.

Okurwana oku kukabarukaho ahabiro 15/4/2023 ahagati y’omuduumizi w’amahe, Abdel Fattah al-Burhan n’owabaireho omuhwezi we kandi hoona Omuduumizi w’ekigombe ky’abanyamahe ekya RSF, Mohamed Hamdan Daglo.

Abantu barikurenga 3,900 baitsirwe kandi abarikurenga omu miriyooni 4 bahungire omumaka gaabo ahabw’okurwana oku kurugiirira ahakitongore ekya United Nations.

Okurwana omuri Darfur, Sudan...(Photo by AFP)

Ba kareebi nibagira ngu abanyambundu bataahirira ekyaro ekya Nyala akasheeshe aka n’emotoka z’amahe nikwo abantu kuhunga.

Okurwana oku nikugambwa kuba kwahika n’omururembo orwa Omdurman kuraabira ahamugyera ogwa Nile.

Ekyanga kya Darfur nikimanywa ahabw’okusheeshe eshagama omubyafaayo. Niho owabaireho purezidenti wa Sudan, Omal al-Bashir aiguraho orutaro ahabaharabu omu mwaka 2003. 

#WestUpdates