Vision Group ekubye bannantameggwa b'empaka

Bya Moses Kigongo

Vision Group 1-0 URA

Roofings Group 3-2 Vision Group

Vision Group 0-0 Housing Finance

DFCU Bank 0-0 Vision Group.

KKAMPUNI ya Vision Group tekubiddwaamu mupiira gwonna mu mpaka eziwakanirwa kkampuni e'zenjawulo ezimanyiddwa nga   "Corporate Sports Network."

 Empaka zino ezaatandise ku Ssande akawungeezi, zeetabiddwaamu kkampuni ez'enjawulo okwabadde;Vision Group, Cocacola, MTN Uganda, Housing Finance, URA, Roofings Group.Royal Van Zantel,N.S.SF n'endala. Era luno lwe lwabadde oluzannya olusooka olw'empaka z'omwaka guno.

Mu zimu ku ttiimu ezaayolesezza omutindo omulungi ye Vision Group etaakubiddwaamu mu mipiira gyayo ena (4) gyonna. 

Abazannyi Ba Housing Finance Nga Battunka N'aba Mtn Uganda Mu Mpaka Za Corporate Sports Network Ku Kisaawe Kya Makomera E Luzira Ku Ssande Akawungeezi.

Eno yasoose kukola maliri ga 0-0 ne Housing Finance, neekuba URA 1-0 wamu ne Roofings Group 3-2, olwo n'eddamu okukola amaliri ga 0-0 ne DFCU Bank.

Omutindo, ttiimu eno gwe yayolesezza gwasannyusizza omutendesi wa UPDF era nga y'omu ku bagitendeka mu mpaka zino, Pius Ngabirano, n'asuubizza nti ku mulundi guno baakuvuganya ku kikopo singa abazannyi be banaagenda mu maaso n'okwolesa omutindo omusufu.

"Ku luno twazze n'ekigendererwa kya kuvugannya ku kikopo era tulina essuubi ly'okukiwangula singa abazannyi bange banaagenda mu maaso n'okwolesa omutindo omulungi nga gwe balaze olwaleero," bwatyo Ngabirano bwe yategeezeza nga baakamala aokufuna obuwanguzi ku URA.

URA be banantameggwa b'empaka z'omupiira gw'ebigere ogw'empaka zino kyokka obuwanguzi Vision Group bwe yabafunnyeeko, bwalaze nti ku luno ttiimu zizze zigyetegekedde okugiremesa okuddamu okukisitukiramu.