Uganda eweereddwa obwassentebe mu African Union

UGANDA erondedwa ku bwa ssentebe bw’akakiiko k’ekibiina ky’Amawanga ga Africa ekya African Union akavunaanyizibwa ku Gavumenti z’ebitundu, enzirukanya y’emirimu mu gavumenti, enkulaakulana y’ebibuga n’okussa obuweereza ku bantu aka
African Union Specialized Technical Committee (AUSTC 8). Minisita w’ettaka, amayumba n’enkulaakulana y’ebibuga, Judith Nabakooba ye yalondeddwa ku bwassentebe bw’akakiiko ka AUSTC 8 ne yeeyama okulaba nga Africa afuna obukiiko obuvunaanyizibwa ku bibuga mu kisanja kye eky’emyaka ebiri. Omukolo gwabadde ku
Imperial Royale Hotel mu Kampala nga bwamukwasiddwa abadde ssentebe w’akakiiko eyakiikiriddwa Ambasada wa Lesotho mu Uganda, Polof. Mafa Sajanama ne Ambasada
w’eggwanga lya Lisotho mu Uganda.
Nabakooba yategeezezza nti okukwasibwa obukulembeze bun kiddiridde ensi z’obugwanjuba bwa Africa okulemererwa okulonda ssentebe w’akakiiko kano ekyawalirizza olukiiko lwa baminisita ba Africa okusalawo eyalondebwa ku bumyuka bwa ssentebe okukulembera akakiiko kano era nga ye yali alondeddwa ku kifo ky’omumyuka.