Ssentebe atuuyanye ng'abatuuze bamuggyamu obwesige: Agaanyi okuwaayo sitampu

Wabula naye alumye ejjiiko bw'alemedde Sitampu y'ekyalo ng'eno abatuuze bwe bamuwerekereza ebigambo.

Abatuuze bamulumirizza okubakulembeza n'omukono ogw'ekyuma ng'obuweereza abutuusa ku balondemu.

Bino bibadde ku kyalo Kinoni B mu ggombolola y'e Lwabenge mu Kalungu.

65022eb1 C4b6 4ae7 8fc4 81cdbc498d48

Ssentebe Vincent Ndaula ebigambo gwe bizze ku matama ng'abatuuze bamwanika ebikolobero by'azze abakola.

Olukiiko lukubiriziddwa ssentebe wa LCIII David Balemeezi Ssegawa n'abalala.

Ssentebe Ssegawa abasomesezza ku mateeka n'eddembe lyabwe ery'obwabange.

916a9a29 5ce9 4b77 B192 C7c15669a54e

Abatuuze boogeredde ssentebe waabwe Ndaula amafuukuule ne bamukubako akalulu akamuggyamu obwesige.

Abakakiiko okuli n'amumyuka  Gabriel Lusambya bonna bamuvuddemu nti nabo takyabeeyambisa kumulamulirako.

Mulimu n'abamulumirizza okubba enkoko n'emmwanyi gattako okulangira abaana be babavume okubogooloza.

16ede828 Cb0b 4d71 9e0a 5bf88dbe127f

Ssentebe Ndaula ng'awewa nga ekyalo bwe kyamufuna nga golodi

Ssentebe Ndaula bw'asabiddwa okwerwanako ate azze mu kwewaanira ku batuuze n'okubalengezza.

Abalangidde by'abasakidde okuli amazzi n'ebirala nti baamufuna nga 'Gold'.

Ng'akubira, ssentebe Ssegawa alagidde Ndaula okuwaayo Sitampu nga tennamuleetera bizibu.

1192e3fb Bdb2 43ad B710 Ba903bab50df

Abatuuze nga bawanika emikono okumuggyamu obwesige

Ebibuuliddwa Ndaula byonna bimuyise ku mutwe sitampu tagiwaddeyo naddayo ewuwe.

Abatuuze basigadde baccaccanca nti obuyiinza babuwadde Omumyukawe Lusambya.

Ssentebe Ssegawa abagumizza nti ofiisi ezisingako ze zijja okuggya ku Ndaula sitampu ebaddizibwe.