Omukazi atemyetemye bba lwa kugaana kumugulira nnyama ya Ssekukkulu
Abatuuze ku kyalo Abutataro baaguddemu ekikangabwa oluvannyuma lw’omukazi okutema bba olubale ku mutwe ng’amulanga butamugulira nnyama
Omukazi atemyetemye bba lwa kugaana kumugulira nnyama ya Ssekukkulu
Abatuuze ku kyalo Abutataro ekiri mu muluka gw’e Alemere, mu ggombolola y’e Agwingiri mu disitulikiti ye Amolator, baaguddemu ekikangabwa oluvannyuma lw’omukazi Milly Acen, okuva mu buntu n’atema bba Denis Obua, 44, olubale ku mutwe ng’amulanga butamugulira nnyama ku kulisimaasi.
Ekiwundu Ekiri Ku Mutwe Gwe Baatemye. Wano Baabadde Bamutwala Mu Ddwaaliro.
Ssentebe w’ekyalo,Patrick Okwir, yategeezezza Bukedde, nti baddusizza Obua mu ddwaliro lya Amai ng’avaamu omusaayi mungi, oluvannyuma ensonga ne bazikwasa Poliisi n’eggulawo ffayiro nnamba SD 17 /25/12/2023.
Okunoonyereza kwa poliisi kwalaze nti, Obua aliko omukazi omupya eyategeerekese nga Christine Aguti gwe yabadde agulidde kkiro bbiri ez’ennyama era nga kye kyaggye mukyala we Acen mu mbeera n’amusanjaga ejjambiya.