Nnankulu wa KCCA Dorothy Kisaka ayanjudde ssente KCCA zeyafunye n'enguudo ezigenda okuzimbibwa

EKITONGOLE kya KCCA kifunye obukadde bwa ddoola 288,  eza Uganda  bwe bwumbi 1065 n’obukadde 600.  Ssente zino bagenda okukozesa okukola enguudo 28, okwetoloola Divisoni za Kampala ettaano omwaka 2023.

            Akulira KCCA muky Dorothy Kisaka agambye nti ku nguudo ezigenda okukolebwa mu Lubaga kuliiko Wamala Road, Luwafu, Muteesa I, Old Mubende, Canon Apollo Kivebulaya/Albert Cook road Junction, Bulange Junction, Kigala, Muzito, Mugema, Masiro, Sentema, Kasubi – Nothern Bypass nga zonna ziweza kiromiita 26.79.

            Mu Makindye bagenda kukola Kabega road, Ssuna 2 Road, Kabalagala Junction, Nsambya Hanlon ne Salaama road nga zonna ziweza kiromiita 13.92.

            Nakawa bagenda kukola enguudo okuli Portbell road, ne Old Portbell and Spring Road nga ziwezaako kiromiita 10.41.

            Central Division kuliiko Fifth Street, Sixth street, Seventh Street, Eighth street Namuwongo, Sir Apollo Kaggwa ne Queens Way okuli ne Kibuye Junction nga zonna zikola enguudo 10.48.

            Mu Kawempe bagenda kukola enguudo bbiri okuli Kyebando Ring road ne Kisasi 2 Road. Zino ziweza kiromiita 4.04. nga gavumenti ssente zino yazitufunira okuva mu African Development Bank.

Dorothy Kisaka ng'annyonnyola

            Kisaka  yagambye nti ng’oggyeko enguudo KCCA zegenda okukola omwaka oguggya . Omwaka guno  basobodde okukola kiromiita z’enguudo mu Kampala 29, okuli  Kanyanya Road, Kakonge road, Nabulagala, Nagulu road , Bajabali, Mulago Cancer road,  Poster road Station, Mwanga II – Kisenyi, Lubiri Ring road, Natasha Road ne Katuso - Rise nga luno  bakyalukola. ne tuddabiriza ne nguudo enddala kiromiita nga 500.

            Yayongeddeko nti mu Kampala enguudo ezisinga nkadde nnyo era zaggwako kubanga  ziri mu myaka 35 -40 kyokka nga bayinginiya bagamba nti tezikyasobola nakukubwa ebiraaka kubanga enguudo zino zakolebwa nga zakuwanggala emyaka wakati 15 ku 20.

            Ku myaka gy’omu Kampala tusobodde okukola emyala eminenne okuli Nakamiiro ne Lubiggi za kiromiita mukaaga .

            Yagambye nti gavumenti ya Japan egenda ku bakwattirako okuzimba enkulungo z’omu Kampala ez’omulembe 27, era twamala ddala okutongoza omulimu guno.

            Kisaka yagambye nti enguudo zino zetaaga okukuuma obulungi kubanga kiromiita emu emalawo obuwumbi wakati w’obusattu ku buna. Era twekubidde omulanga eri gavumenti batwongere ku ssente ezikola enguudo kubanga Kampala tukyali bubi ku nguudo.ends