'Muweereze abantu so si kuweerezebwa'

Rev. Patrick Kamara, Omusumba avunaanyizibwa ku nkung'aana z’enjiri ezikolebwa mu maka ag’enjawulo mu Kkanisa ya All Saints Nakasero ye yabuulidde bino. Enjiri yabadde ekwata ku mukulembeze omulungi mu kkanisa ya All Saints Nakasero.

“ Mukama waffe yesu yali mukulembeze mulungi  ng’ayayogera mu kigambo kye nti yajja kuweereza so si kuweerezebwa,” bwe yayongeddeko.

Rev. Patrick Kamara

Yasabye bwe baba mu bukulembeze basabe era basiibe olwo Mukama abawe amagezi  basobole okubeera abakulembeze abalungi abajja okuweereza  eggwanga lyabwe.

Yabakuutidde okusaba ennyo Katonda abayambe baleme kukulembeza ebyo byokka bye baagala olw’okutuukiriza ebiruubirirwa byabwe.

Yagambye nti Yesu bwe yajja yaleeta emirembe n’essuubi era balina okumulabirako ng’omukulembeze omulungi nabo bakole ebintu ebiteeka emirembe mu bantu.