"Mujjumbire okusaddaaka ebisolo n'okugabira abatalina newankubadde si Basiraamu"

Sheikh Mawiya Muyaga ye yakulembedde okusaala Iddi ku muzikiti gw'e Namulaba mu ssaza ly'e Bbaale mu disitulikiti y'e Kayunga.

Omubaka Tebandeke Ng'abuuza ku basheikh Mu Kusaala Iddi E Namulaba Mu Bbaale.

Akubirizza Abasiraamu bajjumbire okusaddaaka era bagabire ku balala abatalina n'abalinawo wadde nga si Basiraamu.

Omubaka w'essaza ly'e Bbaale mu palamenti, Charles Tebandeke yeetabye mu kusaala n'asaba abantu b'e Bbaale beewale obukyayi olw'enjawukana mu ndowooza z'ebyobufuzi.

Tebandeke agabudde Bannamwandu n'abakyala abalina abaana wabula ng’abaami baabasuulira obuvunaanyizibwa era buli omu amuwadde ssente z'okugula ebya Iddi.

Tebandeke awabudde nti enkyukaakyuka tekitegeeza kukola ffujjo wabula okusomesa oyo bwe mutafaanaganya ndowooza omumatize akyuke.