Minisita w'ensonga za East Africa Rebecca Alitwala Kadaga ayagalizza Bannayuganda xmas ennungi n'abasaba okukuuma emirembe mu nnaku enkulu

Minisita weby'obulambuzi mu bwa kyabazinga bwa Busoga era ali ku kakiiko akanoonyeza pulezidenti Museveni akalulu e Busoga,Hellen Namutamba,  awadde bannayuganda obubaka bw'eyaliko 
sipiika w'olukiiko lw'eggwanga era akulira kampeyini za pulezidenti Museveni e Busoga Rebecca Alitwala Kadaaga, nti ayagaliza bannayuganda ennaku enkulu ennungi n'abasaba okukuuma  emirembe n'okulonda Pulezidenti Museveni mu kulonda okujja.

Namutamba asinzidde mu makaage e Kira, naawa obubaka bw'ennaku enkulu eri bannayuganda, nabaagaliza ssekukkulu ennungi n'omwaka okujja ogw'emirembe.

Yeebazizza abantu bonna abatambudde nabo ku biseera bino naddala mu kunoonyeza muzeeyi akalulu n'abaagaliza ennaku enkulu n'omwaka omupya  omulungi.

 Naasaba abazadde okufaayo ennyo ku baana obutabalekera masimu na mikutu migattabantu gy'agamba nti gyonoonye nyo abaana.nabasaba okubakuuma obulungi.
Naabasaba  okubaagazisa ebyemizannyo ng'okusamba omupiira, okubateekamu eddiini mu mitima ate a bazadde okwemanyiiza okukola n'abaana ku emirimu egyabwe baleme kutayaaya.
Asabye bannayuganda okubakuuma emirembe naddala mu  kiseera ky'okulonda kyetugendamu nti kubanga emirembe byetulina wano mu Uganda  kye kyettunzi ekisinga obukulu kyetulina mu ggwanga lyaffe Uganda...
Naasaba abantu okwesiga akakiiko keby'okulonda, kubanga bakalinamu essuubi  okukuuma obulungi akalulu mu mazima n'obwenkanya,  nti mu kiseera ky'okulonda bagende  balonde bwebamala badde awaka  balinde ebinavaayo. 
Naasaba abantu okwewala ebimu erisusse mu biseera by'ennaku enkulu kuba kiyinza okukola obulamu bwabwe olw'ebbinu ate n'abanyweddemu ku mwenge beewale okuvuga bataase obulamu.

Naabasaba okuwa muzeeyi essanyu nga bamuyiira akalulu nga 15/01/2026 awangulire waggul