Mbaziira Tonny asiibuddwa abasawo ne bamuteekako obukwakkulizo

Bya Meddie Musisi

DJ Tonny Mbaziira ow’Ebinyaanyanyaanya asiibuddwa okuva mu ddwaliro e Nakasero­kyokka abasawo ne bamuteekako amateeka amakakali.

Omu ku mikwano gya Mbaziira yategeezezza omusasi ono nti mu bukwakkulizo mulimu; okumala ebbanga nga takola mulimu gwon­na okutuusa nga bbo (abasawo) bamulagidde okuddamu okukola.

Bamuwadde amagezi obu­tapapira kikolwa kya kwegatta mangu olw’obuvune bwe yafuna ku mugongo era alina kusooka kudda mu ddwaaliro olwo ne baddamu okumwekebejja.

Ate ye Aida Mugo bwe yabadde naye mu mmotoka ne bagwa ku kabenje e Kyalusowe bwe baabadde bagenda ku kivvulu e Masaka aba­sawo bakyamusigazza okwongera okumwekebejja.

Bano bombi bwe baafunye akabenje e Kyalusowe ku lunaku lwa Ssande baddusiddwa mu ddwaaliro ekkulu e Masaka gye baasoose okufuna obujjanjabi obu­sookerwako kyokka oluvanyuma baggyiddwaayo abantu baabwe ne babongerayo mu ddwaliro e Na­kasero.

Mugo yategeezezza eggulo mu ddwaaliro e Nakasero nti wadde tawulira bubi nnyo mu kiseera kino kyokka abasawo baamuwadde amagezi agyira abeerawo nga bwe bongera okumwekebejja.